Кіраўнік НАУ Павел Латушка прапанаваў стварыць працоўную групу «Беларусь — Германія», якая дапаможа прыцягнуць рэжым Лукашэнкі да міжнароднай адказнасці. Пра гэта ішла гаворка ў межах міжнароднага экспертнага форуму Minsk Forum XXI.
Асноўнымі напрамкамі дзейнасці працоўнай групы стануць контрпрапаганда, вызваленне палітзняволеных, афіцыйнае асуджэнне спроб Расіі паглынуць Беларусь, а таксама арышт замежных актываў сям’і Лукашэнкі і гарманізацыя санкцый у дачыненні да Беларусі і Расіі.
Таксама палітык падтрымаў нядаўняе прыняцце Бундэстагам рэзалюцыі «За дэмакратычную Беларусь». Згодна з ёй, Германія будзе падтрымліваць беларускую незалежную прэсу, дэмакратычныя інстытуты і грамадзянскія ініцыятывы. Акрамя таго, Бундэстаг будзе спрыяць вырашэнню праблем беларусаў з дакументамі. Латушка падкрэсліў, што гэта першы дакумент такога кшталту, які быў прыняты еўрапейскім парламентам.
Раней у лістапрадзе дэмакратычная сілы правялі перамовы за кіраўніцтвам Германіі на тэму выдачы пашпартоў замежніка для беларусаў, якія жывуць у гэтай краіне. Першы дакумент ужо выдадзены.
