Тэлеграм-канал «Акцыі беларусаў Варшавы» прызнаны «экстрэмісцкім», паведамляе Reform.by са спасылкай на раённую газету «Наш край».
Такое рашэнне прыняў суд Баранавічаў па заяве Баранавіцкага міжраённага пракурора.
Канал расказвае пра акцыі, якія ладзяць беларусы ў Варшаве. На момант падрыхтоўкі гэтага тэксту ў канала было больш за 1100 падпісчыкаў.
Таксама ў спіс экстрэмісцкіх каналаў увайшлі:
• Інфармацыйны чат пра гуманітарную дапамогу ўцекачам «ПОБАЧ»;
• «HEVALE»;
• «БАЖ Беларуская асацыяцыя журналiстаў».
Тэлеграм-канал БАЖ ужо прызнавалі «экстрэмісцкім» у чэрвені 2023 года.
