У Варшаве развітваюцца з беларускай Лізай

14 сакавіка ў Варшаве развітваюцца з беларускай Лізай, якая памерла пасля згвалтавання ў цэнтры Варшавы. Жалобнае мерапрыемства адбываецца на Паўночных могілках (Północny cmentarz).

У залу ўнеслі закрытую труну. Па просьбе сваякоў людзі прыйшлі з белымі кветкамі. У белым адзенні і персанал, які абслугоўвае цырымонію.

У зале сабралася каля 50-60 чалавек, якія прыйшлі развітацца, а таксама шмат прадстаўнікоў польскай прэсы.

Раней блізкія беларускі падзякавалі за дапамогу і папярэдзілі ўдзельнікаў, што слова будзе дадзенае толькі служкам царквы і блізкім.

похороны Лизы в Варшаве — Пахаванне беларускі Лізы ў Варшаве. 14 сакавіка 2024 года. Фота: ЛС / MOST

Цырымонія праходзіць па-польску і па-руску.

— Большасць з нас, што стаяць тут, не ведала Лізу асабіста. Але мы пазналі ў ёй нашых сясцёр, нашых дачок, нашых сябровак. Мы ўбачылі ў ёй сябе. Перад абліччам вялікай трагедыі нашы сэрцы напаўняюцца адчаем. Мы сутыкаемся з тым, што зусім нам непадуладнае. Што мы не можам кантраляваць. На яе месцы магла апынуцца любая з нас — і гэтая думка выклікае жах, — сказала выступоўца.