Этнічны беларус Ігар Лукашук атрымаў мандат прадстаўніка ў сейміку Падляскага ваяводства, дзе будзе адстойваць правы нацыянальнай меншасці, паведамляе «Белсат». Ён балатаваўся ад «Грамадзянскай кааліцыі».
Ігар Лукашук — дырэктар Гайнаўскага ліцэя з беларускаю моваю навучання. Ён з 2018 года ўжо з’яўляўся дэпутатам сейміка Падляшскага ваяводства, а з 2014 да 2018 года кіраваў радаю Бельск-Падляшскага.
Падчас перапісу 2021 года, які праходзіў у Польшчы, Лукашук актыўна агітаваў этнічных беларусаў на Беласточчыне, каб пазначалі сябе як беларусаў. Атрымаў медаль «Гонар і годнасць» ад Аб’яднанага пераходнага кабінету Беларусі за захаванне беларускамоўнага статусу сваёй навучальнай установы.
Іншым беларусам, пра якіх вядома тэлеканалу, не ўдалося атрымаць мандатаў.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
