28 снежня памежная варта Польшчы паведаміла, што іх краіна пасля жніўня 2020 году прыняла больш за 23 тысячы беларусаў, якіх пераследавалі на радзіме.
3,4 тысячы чалавек звярнуліся па міжнародную абарону ў Польшчы, 12 тысяч беларусаў трапілі на падставе гуманітарных візаў, а 7,6 тысяч — па візах Business.Harbour.
⠀
Толькі за 27 снежня ў Польшчу ўехалі 75 грамадзян Беларусі разам са сваімі сем’ямі. Гэта альбо апазыцыйныя дзеячы, або пратэстоўцы, якіх пераследавалі на радзіме.
9 снежня прэзідэнт Польшчы Анджэй Дуда запісаў зварот у падтрымку беларусаў. «Як прэзідэнт Польскай Рэспублікі я абяцаю, што да беларусаў і беларусак, 180 тысяч якіх знайшлі працу ці прытулак у Польшчы, мы будзем ставіцца як да братоў і як да найжаданейшых гасцей».
У канцы верасня прэзідэнт Польшчы заяўляў, што ў яго краіне каля 150 тысяч беларусаў, якія атрымалі прытулак і працу.
