Беларусы Кракава пяты год запар ладзяць фестываль беларускай культуры LTCÑ. 27 ліпеня на галоўнай сцэне фэсту выступяць LEIBONIK, РСП, Groove Dealer, MANDZIK.
Арганізатары кажуць, што сёлета на LTCÑ шмат новаўвядзенняў, кожны знойдзе нешта сабе да спадобы. Апроч гэтага будзе працаваць унікальная Art-DJ-VR-пляцоўка, у рамках якой арганізатары стварылі віртуальную прастору з музыкамі і працамі беларускіх мастакоў і мастачак. Падлучыцца да яе можна з любой кропкі планеты, і каманда арнганізатараў асабліва чакае там людзей у Беларусі.
Што яшчэ чакаць ад фестывалю LTCÑ?
- Літаратурная пляцоўка PRADMOVA ( з удзелам Аляксандра Чарнухі)
- Вялікая дзіцячая пляцоўка з насычанай праграмай
- Новая этна-пляцоўка з беларускім каларытам
- Фудкорт на 10 кропак
- Кірмаш на 35 майстроў
- Турнір па міні-футболе з Аляксандрам Івуліным
- Адукацыйная пляцоўка з інтэрактыўнымі выступамі
- Пяць майстар-класаў, каб папрацаваць ручкамі
- Пляцоўка салідарнасці з намётамі сацыяльных ініцыятыў
- Месца для справы і адпачынку разам з «Новай Беларуссю»
- Квэсты для дарослых і дзяцей
Поўная праграма фестывалю і ўсе навіны — у Інстаграме, Фэйсбуку ці Тэлеграме. Уваход вольны, фестываль распачнецца а 11 і працягнецца да 21.30.
Фестываль LTCÑ арганізуе вялізная каманда з прыкладна 30 арганізатараў і больш за 70 валанцёраў. Уваход на фестываль бясплатны, але можна дапамагчы данатам. Усе грошы ідуць на арганізацыю фэста.
