Беларусы Польшчы плануюць адзначыць чацвёртую гадавіну прэзідэнцкіх выбараў акцыямі супраць дыктатуры. Мерапрыемствы да Дня годнасці пройдуць 9-10 жніўня ў розных гарадах краіны.
Варшава
Беларусы Варшавы 9 жніўня выйдуць на марш у колерах пратэсту. Ён пройдзе па маршруце Plac Żelaznej Bramy — Marszałkowska — Świętokrzyska — помнік Каперніку. Пачатак — а 18.00.
Беласток
Беларусы збяруцца 9 жніўня каля помніка Юзафу Пілсудскаму (Rynek Kościuszki 4) а 18.30.
Кракаў
Беларусы Кракава 9 жніўня пройдуць маршам з плошчы арміі Напалеона да помніка Адаму Міцкевічу, дзе адбудзецца мітынг. Мерапрыемствы пачнуцца а 18.00.
Гданьск
Беларусы збяруцца 9 жніўня а 18:00 каля Фантана Нептуна і пройдуць маршам да Еўрапейскага Цэнтра Салідарнасці.
Шчэцін
Беларусаў запрашаюць 9 жніўня а 18:30 на Plac Solidarności.
Уроцлаў
Ва Уроцлаве плануюць шэраг мерапрыемстваў.
9 жніўня а 17:30 адбудзецца адкрыццё выставы Вольгі Якубоўскай «Беларусы — коцікі» (вул. Świdnicka, каля рынку).
А 18:30 пачнецца бясплатны канцэрт беларускіх музыкаў у Salonik Pub (вул. Braniborska 2/10). Тут выступяць Валянціна Болбас, Адэля Вольская і Алесь Папковіч.
А 10 жніўня а 16.00 беларусы пройдуць маршам ад плошчы Wolności да рынку, дзе з прамовамі выступяць палітыкі і актывісты.
Торунь
Беларусы збяруцца 9 жніўня а 19:00 каля помніка Каперніку.
Быдгашч
У Быдгашчы беларусы выйдуць 10 жніўня а 16:00 да Старамесцкага моста.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
