Загінуў 39-гадовы беларускі кіроўца Дзмітры Шылец. Мужчына трапіў пад авіяўдар ва ўкраінскім мястэчку Корасцень. Аб гэтым паведамляе Zerkalo.io.
Пасля авіяўдару Шыльца даставілі ў аддзяленне рэанімацыі. У яго былі стопрацэнтныя апёкі цела і верхніх дыхальных шляхоў.
Падчас авіяўдару Шылец знаходзіўся ў машыне разам з яшчэ адным беларусам, 34-гадовым Іванам Рогавым. Мужчыну знайшлі мёртвым 10 сакавіка.
Пра авіяўдар і пацярпелых у ім беларусаў расказаў кіраўнік Корасценя Уладзімір Маскаленка.
— Практычна тры чалавекі загінулі. Двое з іх — беларусы, якія на машынах стаялі тут, папрасіліся на перыяд, пакуль будуць выязджаць. І не ведалі, што якраз з беларускіх аэрадромаў вылецяць расійскія самалёты і будуць бамбіць горад Корасцень.
