Супрацоўнікі памежнай службы Польшчы затрымалі двух «кур’ераў», якія дапамагалі мігрантам нелегальна перасякаць беларуска-польскую мяжу.
16 сакавіка польскія памежнікі затрымалі двух чалавек за дапамогу ў арганізацыі нелегальнага перасячэння мяжы. Двое грамадзян Сірыі з відам на жыхарства ў Германіі перавозілі трох іракцаў, тыя нелегальна перайшлі беларуска-польскую мяжу.
Усіх затрымалі. Мужчынам, што перавозілі грамадзян Іраку, пагражае да васьмі гадоў пазбаўлення волі.
За 16 сакавіка польскія памежнікі затрымалі 32 нелегалаў. Сярод нелегальных мігрантаў былі грамадзяне Сірыі, Іраку, Афганістану, Пакістану. Польская памежная служба адзначае, што ў супрацоўнікаў кідаліся камянямі беларускія памежнікі падчас таго, як мяжу пераходзілі мігранты.
