Міністэрства абароны Украіны зафіксавала прыкметы падрыхтоўкі беларускіх войскаў да прамога ўварвання на тэрыторыю Украіны, паведамляе прэс-служба ўкраінскага ведамства.
— Зафіксаваны прыкметы падрыхтоўкі Узброеных сіл Рэспублікі Беларусь да прамога ўварвання на тэрыторыю Украіны. Сілы абароны нашай дзяржавы гатовыя да адпору. Непасрэднае ўцягванне беларускіх войскаў ва ўзброеную агрэсію РФ супраць Украіны, насуперак жаданню шэраговых вайскоўцаў і пераважнай большасці беларускага народа, стане фатальнай памылкай Аляксандра Лукашэнкі, — гаворыцца ў паведамленні.
Інфармацыйнае агенцтва УНІАН паведамляла, што ў Генеральным штабе ВСУ ацэньвалі магчымасць уварвання беларускіх войскаў як высокую.
