Польская памежная служба выратавала групу курдаў у балоцістай мясцовасці ля польска-беларускай мяжы. Сярод мігрантаў было дзіця, якому крыху больш за месяц.
21 сакавіка польскія памежнікі правялі выратавальную аперацыю ў балоцістай мясцовасці ля ракі Нараў. Было выратавана 16 грамадзян Іраку, сярод іх былі 65-гадовая жанчына і немаўля.
У бальніцу шпіталізавалі трох дзяцей і маці. Астатніх накіравалі на памежную заставу ў Нараўцы.
Gazeta Wyborcza паведамляе, што немаўля нарадзілася ў лагістычным цэнтры ў Брузгах. Па словах курдскай сям’і, беларускія службы паставілі ўльтыматум: дэпартацыя альбо яны ідуць у лясы.
