Ці вераць палякі ў тое, што на тэрыторыі Беларусі сапраўды знаходзіцца расійская ядзерная зброя? Наколькі сур’ёзна яны ўспрымаюць ядзерныя пагрозы Пуціна і Лукашэнкі? І ці лічаць патрэбным, каб такая ж зброя масавага знішчэння знаходзілася ў Польшчы? З такімі пытаннямі журналісты MOST звярнуліся да мінакоў на вуліцах Беластока.
— Калі б мелі, то можа і скарысталіся б.
— Але ў гэтай сітуацыі ці патрэбна Польшчы ядзерная зброя?
— Ну, у нас проста ёсць дамова з Амерыкай, так? І яны нас тут падтрымліваюць, праўда? І бароняць, так бы мовіць, ад розных нападаў. Так што, нам гэта не абавязкова патрэбна.
«Мы ведаем, як было з альянсамі ў мінулым»
— Ці патрэбныя Польшчы ўласныя ядзерныя ракеты?
— Не.
— Чаму?
— Таму што яна не з’яўляецца часткай G9. Так што… не, дакладна не.
***
— Варта мець некаторую бяспеку, нават калі нашы меркаваныя альянсы нібыта яе забяспечваюць, хаця мы ведаем, як было з альянсамі ў мінулым, таму я б рабіў стаўкі на сваіх.
«Беларусь за нашай мяжой уяўляе вялікую небяспеку»
— Я іх [Лукашэнку і Пуціна] мала слухаю, але тэарэтычна лічу, што гэта [размяшчэнне ядзернай зброі ў Беларусі] магчыма.
— А гэта нясе небяспеку для Польшчы?
— Ну, я лічу, што ўвогуле Беларусь за нашай мяжой уяўляе вялікую небяспеку.
— Што трэба рабіць з Беларуссю?
— Не ведаю, таму што я не палітык і не ваенны. Гэта такая крыху бомба.
— Але гэта пра саміх беларусаў ці пра іх уладу?
— Пра ўладу, канешне.
***
— Напэўна, так.
— Чаму вы ў гэта верыце? Пра што гэта сведчыць?
— Прынамсі, так паведамляюць СМІ.
— А ці гэта нейкая пагроза для Польшчы? Ці Польшчы патрэбна ўласная ядзерная зброя?
— Якое гэта мае дачыненне да таго, што Польшча будзе мець ядзерную зброю?
— Людзі кажуць пра гэта ўвесь час…
— Калі што, то ядзерная зброя ўяўляе пагрозу для ўсяго свету. Яе ўвогуле не павінна быць.
«Няма сэнсу ўпадаць у паранойю»
— Гэта тэма для вайскоўцаў.
***
— Пра гэта [ядзерную зброю] ўвесь час кажуць у СМІ.
— Можа яна там і ёсць.
***
— Нядаўна зноў пагражалі, што могуць яе выкарыстаць.
— А хто ведае? А магчыма.
— Дык ці патрэбная Польшчы ўласная ядзерная зброя?
— Ну, вельмі добра.
— Патрэбна, вы думаеце?
— Ну а калі Пуцін нападзе, то што? Як мы будзем абараняцца? Чым?
— А ці не абароніць НАТА? Амерыканцы і французы?
— А хто ведае? А што было ў мінулых войнах? Быццам бы сябры, а на нас напалі.
***
— Калісьці яна была ў Польшчы.
— А можа яе трэба вярнуць у Польшчу?
— А можа яна ёсць.
— Яна дагэтуль можа быць тут?
— Мы гэтага не ведаем. Гэта нейкі стратэгічны наратыў, пра які мы як грамадзяне можам не ведаць. Я не ведаю.
— А ці трэба баяцца той ядзернай зброі, якая нібыта знаходзіцца ў Беларусі? А можа яе няма?
— А ці трэба нам баяцца машын? Няма сэнсу ўпадаць у паранойю. Я думаю, у гэтым справа, так? Не турбавацца аб усім, што можа здарыцца, бо мы звар’яцеем.
«Ядзерная зброя вельмі дарагая ў абслугоўванні»
— Расейцы кажуць, што яна [ядзерная зброя] ёсць, і я мяркую, магчыма, насуперак большасці Еўропы і еўрапейскіх палітыкаў, што расейцы не заўсёды хлусяць. Што тэарэтычна кожны, хто валодае ядзернай зброяй, можа яе выкарыстоўваць. Пытанне як бы… двух бакоў.
— Ці Польшчы патрэбна ядзерная зброя, нейкія ракеты тут?
— Не, не трэба.
— А чаму?
— Па-першае, вы, магчыма, нешта ведаеце пра гэта, мне здаецца, што зброя ў Калінінградзе была ўжо даўно. Дык якая розніца? То ці будзем мы пад большай пагрозай, калі яна будзе ў Беларусі? Гэта такая ж пагроза. Я маю на ўвазе, што гэта мяняе? Калі яна ўжо ёсць у Калінінградскай вобласці?
***
— Я не гляджу тэлевізар, таму паняцця не маю.
***
— Не. Я думаю, што яны [Беларусь і Расія] супрацоўнічаюць адзін з адным, але я не думаю, што там будзе нейкая наўпрост ядзерная зброя. Ядзерная зброя вельмі дарагая ў абслугоўванні, таму я не ведаю, я скептычна стаўлюся да гэтага ў далейшым.
— Гэта пагроза для Польшчы, калі б гэтая зброя была ў Беларусі?
— Не, я так не думаю. Іншымі словамі, мы ў НАТА. Я не баюся тут пагрозы, таму што мы знаходзімся ў вельмі моцным альянсе і, калі спатрэбіцца, ЗША нас падтрымаюць.
— Амерыканцы і Францыя будуць абараняць Польшчу?
— Амерыканцы будуць абараняць, так.
— Такім чынам, патрэбная Польшчы ўласная ядзерная зброя ці не? Таму што мы часам чуем пра гэта ў СМІ, маўляў, Польшчы патрэбныя ўласныя ракеты.
— Ядзерныя ракеты? Не, гэта дорага ў абслугоўванні, на мой погляд, не. Патрэбныя іншыя рэчы, можа, трэба спачатку пабудаваць атамную электрастанцыю, каб больш пазнаёміцца з гэтым атамам. Але пакуль мы таксама не можам мець ядзернай зброі, таму што мы не з’яўляемся часткай гэтага пагаднення, таму мы не маем права на самой справе вырабляць такую зброю.
«Пуцін проста хоча нас напалохаць»
— Я не думаў пра гэта проста. Што яшчэ я магу сказаць?
— А калі б была [ядзерная зброя ў Беларусі], то ці рэальная гэта пагроза для Польшчы?
— Што ж, ядзерная зброя — гэта рэальная пагроза для кожнай краіны, прынамсі я так думаю.
— Ці магла Польшча неяк абараніцца ад гэтага? Некаторыя кажуць, што трэба мець свае ядзерныя ракеты.
— Польшча? Гэта залежыць, гэта не такое простае пытанне. Адказваць на гэтыя пытанні «так» ці «не» бессэнсоўна. Гэта вельмі шырокая тэма, я думаю.
***
— Не [не веру, што ў Беларусі ёсць ядзерныя ракеты].
— Чаму? Пра гэта ўвесь час кажуць Пуцін і Лукашэнка. Вы ім не верыце?
— Вы ведаеце што? Гэта цікавае пытанне, таму што яны проста палохаюць людзей. Пуцін проста хоча нас напалохаць, каб мы былі пастаянна мабілізаваныя. Узбройваемся, ёсць падмацаванне. Нам няма чаго баяцца. Мы ў НАТА.
— Амерыканцы будуць абараняць?
— Я лічу, што перш за ўсё мы павінны сябе абараняць. А потым ужо чакаць дапамогі ад кагосьці.
— Дык можа Польшчы патрэбны ўласныя ядзерныя ракеты?
— На іх патрэбны грошы. А грошы адкуль?
Не забудзь падпісацца на MOST у Тэлеграм. Мы галоўнае медыя беларусаў у Польшчы.
