Заснавальніка «Контэ Спа», гродзенскага бізнесмена Валянціна Байко ўключылі ў санкцыйны спіс Канады. Адпаведная інфармацыя з’явілася на афіцыйным сайце канадскага ўраду.
Валянцін Байко з’явіўся ў санкцыйным спісе разам яшчэ з васьмю беларускімі бізнесменамі і вайскоўцамі. Акрамя заснавальніка «Контэ», кампаніі-вытворцы вопраткі, бялізны і панчох, у спісе знаходзяцца Аляксандр Шакуцін, Уладзімір Пефціеў, Анатоль Тарноўскі, Павел Тапузідзіс, Яўген Баскін, Андрэй Жук, Андрэй Бурдыка і Сяргей Сіманенка.
Санкцыі ў дачыненні да гэтых людзей уведзеныя праз сур’ёзныя парушэнні Беларусі што да захавання міру і бяспекі.
За тыдзень да ўключэння ў санкцыйны спіс, напрыканцы сакавіка 2022 года, Валянцін Байко расказваў «СБ», што санкцыі нараджаюць новыя ўмовы для развіцця беларускага бізнесу, а дзяржава актыўна дапамагае.
