Супрацоўнікі Службы ваеннай контрразведкі затрымалі двух шпіёнаў з Беларусі. Аб гэтым паведамляе Gazeta Wyborcza са спасылкай на прэс-службу пракуратуры Познані.
6 красавіка прэс-сакратар познаньскай пракуратуры Лукаш Ваўжыняк паведаміў Wyborcza, што вайсковая паліцыя арыштавала двух шпіёнаў. Расследаванне вядзе ваенны аддзел акруговай пракуратуры Познані.
Затрыманыя з’яўляюцца грамадзянамі Беларусі. Яны праводзілі выведку ля ваенных і грамадзянскіх аб’ектаў, якія маюць крытычнае значэнне для Польшчы. Пракуратура Познані прад’явіла затрыманым беларусам абвінавачванне ў шпіянажы, іх арыштавалі на тры месяцы. Польскае заканадаўства прадугледжвае зняволенне да дзесяці гадоў турмы, калі абвінавачаных прызнаюць вінаватымі.
Прэс-сакратар пракуратуры адмовіўся называць журналістам, у якім ваяводстве адбылося злачынства, ці законна затрыманыя знаходзіліся ў Польшчы.
