7 і 8 чэрвеня ў розных вёсках Падляшша пройдзе фестываль SONCAHRAJ. Арганізатары прапануюць акунуцца ў беларускую аўтэнтычную культуру праз спевы, музыку і народныя танцы.
Арганізатарам фестывалю чацвёрты год запар выступае фонд Tutaka. У праграме фестывалю — канцэрты і патанцоўкі з удзелам калектываў «Касары» (Варшава), Капэля «Трыградская» (Гданьск), «Жэмэрва» (Студзіводы). Гучаць будуць беларускія традыцыйныя спевы, скрыпка, дуда, цымбалы і іншыя народныя інструменты.
— Фестываль — не пра музей і не пра мінулае. Гэта жывая прысутнасць: слова, спеў і музыка, якія перадаюцца ад чалавека да чалавека. Гэта магчымасць адчуць карані не праз кнігі, а праз галасы, рухі, дотык, погляд. Будзе гучаць сапраўдны традыцыйны спеў — без сцэнічнай апрацоўкі, так, як гэта было раней: проста, глыбока і з сэнсам. Гурт «Касары» адраджае мужчынскую спеўную традыцыю. «Жэмерва» — фальклор падляшскіх беларусаў, спевы, народжаныя ў вёсцы. «Капэля Трыградска» — жыўцом, ад сэрца, з натхненнем і моцай, — распавялі арганізатары.
Месцы і даты правядзення:
7 чэрвеня — вёска Случанка (гміна Гарадок), святліца кола вясковых гаспадынь
8 чэрвеня — вёска Тафілаўцы (гміна Дубічы Царкоўныя)
Пачатак канцэртаў — 15:00
Уваход вольны.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
