Пад Беластокам затрымалі чарговага «кур’ера», што перавозіў нелегальных мігрантаў ад польска-беларускай мяжы ўглыб краіны. Аб гэтым паведамляе Radio Bialystok.
15 красавіка беластоцкія паліцэйскія спынілі аўтамабіль, якім кіраваў украінец. У аўто былі пяцёра грамадзян Афганістану. Яны незаконна трапілі на тэрыторыю Польшчы.
Кіроўцу затрымалі, машыну адправілі на паліцэйскую стаянку. Мужчыне пагражае да васьмі гадоў турмы за дапамогу ў арганізацыі незаконнага перасячэння мяжы. У дачыненні да яго таксама пачнецца працэдура па дэпартацыі ва Украіну. Яму забароняць уязджаць на тэрыторыю Еўрасаюзу на пяць год.
Афганцаў арыштавалі супрацоўнікі Памежнай службы.
Ад жніўня 2021 года ў Польшчы затрымалі больш за 400 чалавек за перавозку мігрантаў. Яны перавозілі каля 1,5 тысяч нелегалаў.
