У велікодныя выхадныя на польска-беларускай мяжы было неспакойна. Польскія памежнікі затрымалі за тры дні больш за сто нелегалаў, а таксама некалькіх чалавек, якія ім дапамагалі. Сярод іх — беларус.
Усяго ад 16 да 18 красавіка супрацоўнікі Памежнай службы Польшчы затрымалі 123 замежных грамадзяніна, якія незаконна перасяклі мяжу.
У суботу, 16 красавіка, на тэрыторыю Польшчы з Беларусі спрабавалі зайсці 42 замежніка. Гэта былі грамадзяне Нігерыі, Самалі, Турцыі. Самая вялікая група з 14 чалавек была затрыманыя на ўчастку ў Белавежы. У Вялікдзень польскія патрулі затрымалі таксама 42 чалавек.
Акрамя гэтага, былі арыштаваныя за дапамогу ў незаконным перасячэнні мяжы двое індусаў, таджык, беларус і ўкраінец. Усім пагражае да васьмі год турмы.
У панядзелак, 18 красавіка, на тэрыторыю Польшчы спрабавалі патрапіць 39 нелегалаў. Усіх затрымалі.
Ад пачатку 2022 года Памежная служба Польшчы зафіксавала каля 4 тысяч спробаў незаконнага перасячэння на мяжы з Беларуссю.
