9 жніўня, да пятай гадавіны прэзідэнцкіх выбараў 2020 года, беларусы Польшчы зладзяць маршы, сустрэчы, мітынгі і культурніцкія падзеі. Расказваем, дзе пройдуць мерапрыемствы.
Варшава
У 15:00 ад плошчы Ю. Пілсудскага пачнецца Марш свабоды.
У 18:30 у Беларускім доме (Крынічна, 6) пачнецца дваровы канцэрт «Назад у 2020».
Беласток
У 16:00 адбудзецца акцыя на плошчы Касцюшкі (ля помніка Пілсудскаму).
Познань
У 18:00 адкрыецца выстава «Золата Беларусі» (Barak Kultury, al. Marcinkowskiego 21).
Уроцлаў
Пройдуць Марш Вольнай Беларусі, акцыя і канцэрт. Збор — каля Narodowego Forum Muzyki ў 17:00.
10 жніўня ў 11.00 пройдзе Забег надзеі (Ścieżka Biegowa Radia Wrocław).
Гданьск
У 13:00 ад Фантана Нептуна пачнецца Марш годнасці.
Каля Еўрапейскага цэнтра Салідарнасці (pl. Solidarności 1):
- у 10.00 пройдзе выстава плакатаў Артура Вакарава,
- у 13.00 пройдзе Беларускі кірмаш,
- у 15.00 пачнецца сустрэча з былымі палітвязнямі,
- у 17.00 пройдзе літаратурная сустрэча,
- у 18:30 пачнецца канцэрт Лявона Вольскага.
У 14:00 каля Stoczniowej Bramy nr 2 пачнецца выстава салідарнасці з Беларуссю.
Кракаў
У Прасторы (ul. Mikołajska 4/6) можна будзе падпісаць паштоўкі і зрабіць данат наяўнымі. «Марафон салідарнасці» пройдзе 9 і 10 жніўня з 12:00 да 19:00; 11, 12 і 13 жніўня — з 15:00 да 20:00.
Быдгашч
У 15:00 пачнецца акцыя на Most Staromiejski.
Шчэцін
У 19:00 плануецца сяброўская сустрэча каля Сонечнага гадзінніка (Aleja Kwiatowa).
Рэакцыя афіцыйнага Мінска
На запланаваныя акцыі адрэагавалі ў беларускім МЗС. Туды выкліканы часовы павераны ў справах Польшчы Кшыштаф Ажанна, яму ўручылі ноту ў сувязі з мерапрыемствамі, якія дэмсілы плануюць правесці да гадавіны прэзідэнцкіх выбараў 2020 года ў Варшаве.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
