У Беластоку і Міхалове здымаюць фільм Ślicznotka. Фільм мае на мэце змяніць стэрэатып пра Падляшша і паказаць яго сучасным рэгіёнам. І ўсё гэта будзе адбывацца на фоне палітычных гульняў і мясцовага фестывалю. MOST расказвае, хто здымаецца ў фільме, пра што ён будзе і дзе праходзяць здымкі.
Дзе адбудуцца здымкі
Першыя сцэны знялі 29 красавіка ў Міхалове. Здымкі будуць праходзіць там яшчэ некалькі тыдняў. Беласток і ваколіцы таксама будуць фігураваць у кінастужцы, але ў значна меншых аб’ёмах, чым Міхалова.
У Міхалове здымкі адбудуцца ў ратушы і ў школе, на пляжы і ў амфітэатры ў Бондарах.
Прэм’ера фільма запланавана на канец 2022 года.
Пра што фільм
Дзеянне стужкі адбываецца ў маленькім горадзе на ўсходзе Польшчы. Стваральнікі фільму ўпэўненыя, што ён зменіць стэрэатып аб Падляшшы, пакажа рэгіён сучасным.
Сінопсіс наступны: мэр горада рыхтуецца да правядзення штогадовага фестывалю, у рамках якога абіраюць міс горада. Сцэнарый мерапрыемства падрыхтаваны людзьмі мэра, які збіраецца балатавацца на яшчэ адзін тэрмін на мясцовых выбарах. Сітуацыя ўскладняецца, калі з’яўляецца яшчэ адна кандыдатка ў конкурсе.
Хто здымаецца ў фільме
У фільме таксама будуць акцёры з Беластока: Беата Хічэўска і Пётр Шчакоўскі. Галоўную ролю выканае Ёанна Куроўска, а расказчыкам выступіць Цэзары Пазура.