Пяць беларускіх п’ес прачытаюць у Варшаве падчас фестывалю сучаснай беларускай драматургіі Dramatyzacja. Ён пройдзе 10-11 красавіка 2026 года.
— Гэта падзея, прысвечаная новым тэатральным тэкстам, якія асэнсоўваюць сучаснасць: памяць, гвалт, эміграцыю і жыццё «паміж». У праграме перфарматыўныя чытанні п’ес з шорт-ліста конкурсу, сустрэчы з аўтарамі і адкрытыя дыскусіі, — паведамілі арганізатары.
У шорт-ліст увайшлі пяць п’ес, адабраных журы з дзясяткаў дасланых.
- «Найсапраўднейшае» Ксеніі Шталянковай (рэж. Кірыл Машэка);
- «Лімб» Рэнаты Талан (рэж. Жэня Давідзенка);
- «Апошні сведка [старога Гродна]» Амаліі Рызніч (рэж. Аляксандр Енджэеўскі);
- «Любое месца, дзе засталіся сляды» Марыі Бяльковіч (рэж. Бажэна Шамовіч);
- «Рудая вавёрка» — Хасі Корневай (рэж. Аляксандр Енджэеўскі).
Пляцоўкай для фестывалю стаў Dom w Alejach (al. Jerozolimskie 2) — прастора для творчых ініцыятыў і сустрэч.
Уваход будзе вольны, але патрэбная рэгістрацыя.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
