За рэкорднымі цэнамі на энерганосьбіты на Польскай біржы стаяць тры фактары: наяўнасць вугалю на рынку, блакада імпарту з Расіі і скасаванне кантрактаў з энергетычнымі, цеплавымі і горназдабыўнымі кампаніямі. Пераказваем галоўнае з артыкула Rzeczpospolita.pl пра магчымасць павелічэння цэн на электраэнергію на 50%.
Упраўленне па рэгуляванні энергетыкі Польшчы запусціла расследаванне, ці ёсць на рынку энерганосьбітаў злоўжыванні. Першымі сталі біць трывогу гандлёвыя кампаніі: за 1 мВТ/гадз. устанавілі цану ў 1 000 злотых.
Упраўленне займаецца аналізам рынку, каб высветліць прычыны высокага і рэзкага павышэння цэн. Польскі рэгулятар можа праверыць гэта інструментамі REMIT — гэта набор прававых палажэнняў, уведзеных рэгламентам ЕС, што забараняе маніпуляцыю альбо спробу маніпуляцыі, а таксама забарону на незаконнае выкарыстанне ўнутранай інфармацыі.
Прэзідэнт Упраўлення па рэгуляванні энергетыкі Рафал Гавін падкрэсліў, што для польскай эканомікі рост коштаў на энерганосьбіты можа скончыцца «балюча».
У выпадку, калі цяперашнія цэны на энерганосьбіты пратрымаюцца даўжэй, то тарыфы на электраэнергію для індывідуальных спажыўцоў могуць вырасці на 50%.
