У Варшаве, Вільні і Познані з’явяцца бясплатныя інфармацыйна-кансультацыйныя пункты для беларусаў замежжа. Адкрыццё першых запланавана да сярэдзіны снежня, паведаміла прадстаўніцтва Аб’яднанага пераходнага кабінета па сацыяльнай палітыцы.
Мэта ініцыятывы — забяспечыць беларусам бясплатны доступ да інфармацыі, кансультацый і базавай практычнай дапамогі ў афлайн-фармаце.
Па якіх пытаннях можна будзе звярнуцца?
- Легалізацыя і афармленне дакументаў
- Сацыяльная падтрымка і медыцына
- Адукацыя і працаўладкаванне
- Жыллё і інтэграцыя ў новай краіне
Кансультанты будуць дапамагаць знаходзіць неабходную інфармацыю і запаўняць анкеты. У выпадках, якія патрабуюць спецыялізаванай дапамогі, наведвальнікаў будуць накіроўваць у профільныя арганізацыі або да адпаведных спецыялістаў.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.



