У Гродне сілавікі затрымалі Мікалая Маркевіча. Пра гэта паведаміў Telegram-канал «Право имеют».
21 чэрвеня супрацоўнікі ГУБАЗіК затрымалі ў офісе Мікалая Маркевіча.
Маркевічу 59 гадоў. Ён працаваў журналістам, быў заснавальнікам і галоўным рэдактарам газеты «Пагоня». Быў удзельнікам галадоўкі дэпутатаў Вярхоўнага Савета ў 1995 годзе. У 2002 годзе быў асуджаны на два гады абмежавання волі за «паклёп» на Лукашэнку.
У 2000-я працаваў рэдактарам газеты «Дзень», журналістам «Радыё Рацыя». Маркевіч быў старшынёй гродзенскага аддзялення Таварыства беларускай мовы. А цяпер займаўся пасажырскімі перавозкамі ў фірме «Класс-Тур».
