Адміністрацыя следчага ізалятара на Валадарскага, дзе знаходзіцца Анджэй Пачобут ад мая, не перадае яму лісты ад сваякоў. Пра гэта паведамляе Polskie Radio на спасылкай на Gazeta Wyborcza.
Жонка Анджэя Пачобута Аксана расказала, што лісты ад сваякоў не праходзяць цэнзуру. 12-гадовы сын журналіста Ярэк піша бацьку лісты на польскай мове. Апошні ліст, у якім Ярэк расказваў пра канец навучальнага года, не прайшоў цэнзуру.
Аксана Пачобут падкрэсліла, што ўсе лісты, што Анджэй пісаў сыну на польскай мове, не аддалі сваякам.
Polskie Radio паведамляе, што следства ў дачыненні да Анджэя Пачобута можа скончыцца 25 ліпеня.
