Польшча асуджае кампанію беларускіх уладаў у імкненні замесці сляды польскасці ў Беларусі. Афіцыйная заява польскага Міністэрства замежных спраў з’явілася на сайце ведамства.
Магілы жаўнераў Арміі Краёвай у вёсцы Мікулішкі на Гродзеншчыне зраўнялі з зямлёй. Пра гэта стала вядома вечарам 4 ліпеня, калі на сваёй старонцы ў Facebook апублікаваў здымкі прадстаўнік Саюза палякаў у Беларусі Марэк Занеўскі. Гэтая навіна абурыла многіх у Беларусі і Польшчы.
Заява на сайце МЗС Польшчы з’явілася 5 ліпеня. У Польшчы з абурэннем прынялі паведамленні аб знішчэнні па распараджэнні ўладаў Беларусі могілак польскіх салдат у Мікулішках. У 1944 годзе салдаты III і VI брыгад Арміі Краёвай, якая ўваходзіла ў склад Войска Польскага, удзельнікі аперацыі «Вострая Брама» змагаліся за вызваленне Вільні ад нямецкай акупацыі і панеслі за гэта самую высокую цану. Асабліва насцярожвае той факт, што беларускі бок робіць гэтую беспрэцэдэнтную атаку незадоўга да даты 7 ліпеня — гадавіны пачатку аперацыі.
«Гэтая вельмі ганебная падзея з’яўляецца прыкладам парушэння цяперашнімі ўладамі Беларусі ўсіх яе абавязацельстваў па месцах памяці на сваёй тэрыторыі. Гэта нагадвае пра самыя чорныя моманты гісторыі камунізму. Паведамленні пра разбурэнне польскіх ваенных пахаванняў не могуць быць успрынятыя інакш, як наўмыснае дзеянне па далейшай дэградацыі ўзаемных адносін паміж Польшчай і Беларуссю.
Ліквідацыя польскіх магіл і мемарыяльных месцаў з’яўляецца чарговым і найбольш яскравым прыкладам дзеянняў рэжыму з Мінска, накіраваных на палякаў у Беларусі. Мы рашуча асуджаем гэтую антыпольскую кампанію беларускіх уладаў у імкненні замесці сляды польскасці ў Беларусі.
Знішчэнне вайсковых магіл не зменіць гісторыю і не знішчыць памяць аб мінулым. Гэта яшчэ раз паказвае свету варварства цяперашняга рэжыму», — гаворыцца ў заяве Польшчы.
У канцы чэрвеня МЗС Польшчы выказала занепакоенасць з нагоды апаганьвання магіл польскіх жаўнераў у Беларусі. «Апаганьванне ў асноўным датычацца Гродзенскай вобласці, дзе знаходзіцца каля 550 месцаў пахавання польскіх салдат, удзельнікаў народных паўстанняў, абаронцаў Гродна. Нядаўна невядомыя знішчылі польскія надмагіллі і помнікі ў Багданах, Бабровічах, Дындылішках, Іўі, Ашмянах, Ёдкавічах», — гаварылася ў заяве МЗС Польшчы.
Чытайце таксама
Магілы жаўнераў Арміі Краёвай у вёсцы Мікулішкі ў Гродзенскай вобласці зраўнялі з зямлёй. Пра гэта вечарам 4 ліпеня на сваёй...
Чытаць далей
Скандальнай навіной, якая выклікала вострую рэакцыю Міністэрства замежных спраў Польшчы, стала разбурэнне беларускімі ўладамі магілы жаўнераў Арміі Краёвай каля вёскі...
Чытаць далей
