Больш за 47 тысяч замежнікаў застаюцца ў Польшчы па праграме Poland.Business Harbour. З іх большасць беларусаў. Аб гэтым паведамляе выданне bialoruska24.
Беларусаў больш, чым украінцаў і расіян
Праграма Poland.Business Harbour, якую каардынуе Польскае агенцтва інвестыцый і гандлю, была запушчана восенню 2020 года для кампаній і спецыялістаў па новых тэхналогіях з Беларусі. У 2021 годзе яе пашырылі на іншыя краіны, але больш за ўсё з іх ідзе на Беларусь.
Да сярэдзіны ліпеня 2022 года грамадзяне Беларусі атрымалі больш за 44 тысячы віз (больш за 94% выдадзеныя ў рамках Poland.Business Harbour). Дзве пятых з іх выдалі ў апошнія месяцы пасля ўварвання Расіі ва Украіну.
Польскае агенцтва інвестыцый і гандлю паведаміла, што за апошнія тыдні было аформлена больш за пяць тысяч візавых рэкамендацый па Poland.Business Harbour. Візы выдаюцца таксама членам сямей спецыялістаў і прадпрымальнікаў.
Другой групай, якая атрымлівае візы па Poland.Business Harbour — украінцы. Аднак украінцаў усё-ткі менш, таму што IT-спецыялісты задзейнічаныя ў абароне краіны.
Прыток грамадзян Расіі абмежаваны, бо Польскае агенцтва інвестыцый і гандлю не абслугоўвае расійскія кампаніі з пачаткам вайны ва Украіне.
Куды едуць айцішнікі ў Польшчы
Больш за ўсё супрацоўнікаў з Беларусі працуюць з Паморскім агенцтвам развіцця.
Таксама актыўна па прыцягненні новых супрацоўнікаў працуюць улады Лодзі. У гэтым годзе ў Лодзі адкрылася праграма акселерацыі для стартапаў для інавацыйных кампаній і прадпрымальнікаў з Беларусі і Украіны.
