Паводле чутак, усе касцёлы ў цэнтры калісьці былі звязаныя паміж сабой, і нават існаваў ход праз Нёман. Але зараз пра іншае.
У Гродне на Савецкай, 6 (раней Дамініканскай) ёсць цікавы падвал. Ён шмат гадоў ніяк не выкарыстоўваўся. Усяму віной — пастаянныя падтапленні. У 2020 годзе там ужо можна было ўбачыць рабочых, пачаліся працы. Што там будзе ў будучыні — пакуль невядома. Колькі гадоў падвалу — сказаць цяжка. Камяніца, у якой ён знаходзіцца, з 19 стагоддзя.
Самае цікавае, што гэты будынак вядомы тым, што тут у 1863 годзе праходзілі таемныя сустрэчы паўстанцаў і тут неаднаразова бываў сам Кастусь Каліноўскі. Вось такая легенда. Можа, там зрабiць бар «Паўстанцы» цi квэструм на тэму паўстання «Выбрацца з цямніцы»?
Як вам ідэя? Падзяліцеся меркаваннем.
