У адказ на прысуд у справе Ціханоўскага беларусы Беластока правялі акцыю пратэсту каля консульства Беларусі.
Сяргея Ціханоўскага асудзілі на 18 гадоў калоніі ўзмоцненага рэжыму. Гэта максімальнае пакаранне, якое атрымаў апанент Лукашэнкі за 27 гадоў.
Журналісту «Свабоды» Ігару Лосіку і блогеру Уладзіміру Цыгановічу прысудзілі па 15 гадоў калоніі ўзмоцненага рэжыму, палітыку Міколу Статкевічу — 14 гадоў асаблівага рэжыму, удзельнікам каманды Святланы Ціханоўскай на выбарах 2020 года Арцёму Сакаву і Дзьмітрыю Папову — па 16 гадоў узмоцненага рэжыму.
Усе фігуранты справы прызнаныя палітзняволенымі.