Польскія памежнікі затрымалі 9 чалавек па справе аб датычнасці да арганізацыі нелегальнай міграцыі з Беларусі ў ЕС. «Бізнес» прыносіў мільёны еўра.
Як паведамляе Генпракуратура Польшчы, злачынная група дзейнічала з верасня 2021-га па студзень 2022-га. На дзейнасць было вылучана 8,7 млн еўра, 4,3 млн з іх — на перавозку мігрантаў у Германію. На чале банды стаялі два чалавекі. Праваднікоў і кур’ераў яны набіралі праз месэнджэры з жыхароў прыгранічных раёнаў. Пасля таго, як група мігрантаў незаконна перасякала беларуска-польскую мяжу, іх сустракалі і перавозілі ў Германію.
За 2021 год у Германію праз тэрыторыю Беларусі і Польшчы прыбылі 11 213 нелегальных мігрантаў, да канца года іх колькасць стала зніжацца.
Лік мігрантаў пачаў расці летам. У жніўні ў Германію ўехалі 474 нелегальныя мігранты, пасля чаго іх колькасць рэзка ўзрасла — да 2049 чалавек у верасні. У кастрычніку паток мігрантаў вырас да 5 294 чалавек, да лістапада ён знізіўся да 2 849, у снежні зафіксавалі ўезд 521 нелегальнага мігранта.
