Польскія памежнікі затрымалі туркмена, які працаваў у Беларусі, але вырашыў збегчы з у Еўропу. Ён прадставіўся памежнікам грамадзянінам Сірыі.
31-гадовы мужчына адмовіўся адказваць на пытанні польскіх памежнікаў. Ён толькі заявіў, што з’яўляецца грамадзянінам Сірыі. Але супрацоўнікі памежнай службы, абапіраючыся на свае веды і вопыт, хутка выкрылі махляра, піша strazgraniczna.pl. Грамадзянін Сірыі аказаўся грамадзянінам Туркменістану. Мужчына апошнія месяцы жыў і працаваў у Беларусі. У замежніка быў знойдзены бінокль начнога бачання з магчымасцю запісу, тры мабільных тэлефона і нажніцы для рэзкі калючага дроту.
Цяпер грамадзянін Туркменістану знаходзіцца ва ўстанове Памежнай службы. Праводзяцца мерапрыемствы па праверцы яго асобы і ўстанаўленню фактычнага пункта прызначэння.
