29 і 30 студзеня мяжу Беларусі і Польшчы спрабаваў нелегальна перакрочыць 31 чалавек. Аб гэтым паведамляюць польскія памежнікі ў сваім твітары.
За суботу, 29 студзеня, польскія памежнікі зафіксавалі толькі адну спробу незаконнага перасячэння мяжы — быў затрыманы грамадзянін Таджыкістану.
У нядзелю, 30 студзеня, такіх спроб было ўжо 30. Сярод затрыманых асоб — грамадзяне Турцыі, Шры-Ланкі, Іраку і Сірыі.
А ўжо сёння, 31 студзеня, ноччу, пашкодзіўшы калючы дрот, перайшлі мяжу і былі затрыманыя 8 грамадзян Іраку.
