Журналістка, аўтарка сцяга з імёнамі палітвязняў Марыя Грыц вырашыла прадаць сваю працу на дабрачынным аўкцыёне. Робіць яна гэта, каб падтрымаць сем’і асуджаных беларусаў.
Марыя Грыц стварыла сцяг з рукапіснымі імёнамі беларускіх палітвязняў — усіх, хто зазнаў палітычны пераслед, пачынаючы з 1996 года. Рабіла яна яго ў эміграцыі ў Кіеве.
— Я вырашыла прадаць сцяг. Ён выстаўлены на дабрачынным аўкцыёне, грошы пойдуць на дапамогу сем’ям палітзняволеных, якія засталіся ў Беларусі, — піша на сваёй старонцы ў Facebook Марыя. — Гэта вартая справа, бо за кожным іменем на сцягу стаяць мужы, жонкі і дзеці вязняў.
Журналістка піша, што ад палітычных рэпрэсій вельмі моцна церпяць родныя зняволеных. «Яны маюць падтрымліваць вязняў, вырашаць гару пабытовых пытанняў і часцяком застаюцца без грошай, бо як раз асноўнага здабытчыка ці здабытчыцу кінулі за краты. Ім ніякі збор арганізаваць не выпадае, бо і самі могуць патрапіць пад пераслед. Гэта вельмі горкая доля», — напісала Марыя
Стартавая цана сцяга на пляцоўцы ebay— $120, таргі скончацца праз 9 дзён.
Больш за тысяча палітвязняў
Па стане на 8 лютага ў Беларусі прызнаныя палітычнымі вязнямі 1035 чалавек. Блогеры, бізнесмены, актывісты штабоў кандыдатаў у прэзідэнты, удзельнікі акцый пратэсту знаходзяцца ў месцах несвабоды, удалечыні ад сваіх родных і блізкіх з-за таго, што не пабаяліся скарыстацца сваімі правамі — правам на ўдзел у мірных сходах, на выказванне свайго меркавання і на ўдзел у палітычным жыцці краіны. Большая частка гэтых людзей трапіла пад палітычна матываваны крымінальны пераслед у сувязі падзеямі, якія разгарнуліся падчас і пасля кампаніі па выбарах прэзідэнта Беларусі ў 2020 годзе.
Чытайце таксама
Для протестов и привлечения внимания. Яна Шостак показала шарф с лицами беларусских политзаключенных
Активистка Яна Шостак представила свою новую работу — шарф с изображениями беларусских политзаключенных. Он был создан из материалов, которые остались...
Чытаць далейDetails
18 тыс. безработных в Польше имеют гражданство, отличное от польского. Такую статистику на конец июля со ссылкой на данные Министерства...
Чытаць далейDetails
Тимофей обычно пересекает границу с Польшей на машине, но в этот раз ему пришлось ехать автобусом через Брест. Уже на...
Чытаць далейDetails
