Учора на тэрыторыю Польшчы з Беларусі спрабавалі нелегальна трапіць 12 чалавек, а ўжо сёння затрымалі яшчэ дзевяць замежнікаў.
Як паведамляе памежная служба, сярод тых, хто пераходзіў мяжу ўчора, былі васьмёра грамадзян Іраку і трое жыхароў Емену. Еменцаў перавозіў на аўто грамадзянін Малдовы. Спрабуючы ўцячы ад памежнікаў, ён урэзаўся ў прыдарожны крыж. Ніхто не пацярпеў.
Wczoraj #funkcjonariuszeSG zatrzymali ob. Mołdawii,który przewoził nielegalnych imigrantów-ob.Jemenu.Mężczyzna podczas próby ucieczki uderzył w przydrożny krzyż.Nikt nie odniósł obrażeń.W tym roku zatrzymano 29 pomocników w organizowaniu nielegalnego przekroczenia granicy z??do?? pic.twitter.com/CfIseCYR2E
— Straż Graniczna (@Straz_Graniczna) February 8, 2022
У гэтым годзе ў Польшчы затрыманыя ўжо 29 чалавек, датычных арганізацыі незаконнай міграцыі з Беларусі.
Мінулай ноччу, паведамляюць памежнікі, на мяжы таксама не было спакойна. Да агароджы падыходзіла група з 30 замежнікаў, дзявяцера ранкам перайшлі мяжу і былі затрыманыя. Імі сталіся васьмёра грамадзян Егіпту і адзін сірыец. Як высветлілася, у Беларусь мігранты ў мінулым месяцы трапілі з Расіі.
Таксама ўчора польскія памежнікі заўважылі, як іх беларускія калегі адкручвалі вінты, што мацуюць дзяржаўны герб Беларусі на памежных слупах. Шыльды з гербамі засталіся неўмацаванымі. У памежнай службе Польшчы лічаць, што гэта можа быць падрыхтоўкай да чарговых правакацый з польскага боку.
