10 лютага польскі вайсковец-дэзерцір Эміль Чэчка даў прэс-канферэнцыю, якую падрыхтаваў праўладны цэнтр «Сістэмная праваабарона» на чале з Дзмітрыем Беляковым. Цягам трох гадзін мужчына расказаў пра расстрэлы польскімі вайскоўцамі мігрантаў на мяжы, спойванне ў польскай арміі. І зноў усё без доказаў.
Эміль Чэчка расказаў, што польска-беларускую мяжу патрулявалі памежнікі разам з вайскоўцамі. Памежнікі трымалі пад прыцэламі вайскоўцаў, а вайскоўцы, у сваю чаргу, расстрэльвалі мігрантаў. Перад масавымі расстрэламі вайскоўцы пілі піва.
Чэчка прызнаўся, што з 9 па 18 чэрвеня 2021 года сам расстрэльваў каля 20 мігрантаў штодня. А ўсяго за мігранцкі крызіс было расстраляна ад 200 да 700 мігрантаў. Таксама Чэчка падкрэсліў, што не бачыў, як забівалі валанцёраў, што дапамагалі мігрантаў — у сваім першым інтэрв’ю дзяржаўнаму беларускаму тэлебачанню ён, наадварот, запэўніваў, што двойчы прысутнічаў пры забойствах валанцёраў.
Дырэктар цэнтра «Сістэмная праваабарона» Дзмітры Белякоў заўважыў, што сцяна, якую будуць польскія ўлады, будуецца для адной мэты: схаваць сляды злачынстваў, пра якія распавядае Эміль Чэчка.
На працягу трох гадзін Чэчка не прадаставіў ніводнага доказа, што пацвердзілі б яго словы. Польскі дэзерцір назваў толькі імёны некалькіх вайскоўцаў, лакацыі службы.
