Дзіцячы садок і школу з беларускай мовай навучання ў Беластоку не будуць аб’ядноўваць. 16 лютага пра гэта паведамілі мясцовыя ўлады падчас адмысловай прэс-канферэнцыі.
На прэс-канферэнцыі прэзідэнт Беластока Тадэвуш Трускаляскі заявіў, што горад адмовіўся ад планаў аб’яднання беларускамоўнага дзіцячага садка №14 і пачатковай школы №4. Гэта стала вынікам пратэсту беларускай меншасці і далейшых перамоў з мясцовай уладай.
Трускаляскі адзначыў, што беларуская супольнасць няправільна інтэрпрэтавала факты. Улады хацелі аб’яднаць установы, а не ліквідаваць адну з іх. Прэзідэнт Беластока падкрэсліў, што да тэмы аб’яднання ўсё роўна можна будзе вярнуцца, але невядома, праз які прамежак часу.
Тадэвуш Трускаляскі адзначыў, што з-за адмены аб’яднання не атрымаецца сэканоміць бюджэтныя сродкі. Каля 300 тысяч злотых ідзе на падтрыманне ўстаноў.
Прафесар і прадстаўнік беларускай супольнасці Алег Латышонак расказаў, што беларусы не былі спачатку супраць зліцця школы і садка. Беларусы зацікаўлены ў стварэнні ў Беластоку моцнага цэнтра навучання беларускай мовы.
Дарадцы платформы «Польшча 2050» Мацей Бернацкі і Томаш Каліноўскі адзначылі, што большасць гарадской Рады не згодна з праектам злучэння дзіцячага садка і пачатковай школы.
Мясцовая ўлада хацела аб’яднаць дзіцячы садок і пачатковую школу ў адзіны комплекс. Супольнасць беларусаў Беластока на гэта не пагадзілася і пачала збіраць подпісы супраць аб’яднання. Подпісы пакінулі і беларускія арганізацыі ваяводства.
Чытайце таксама
Спрэчкі вакол аб’яднання беларускага садка і школы з беларускамоўным навучаннем у Беластоку разгортваюцца апошнія тыдні. Гарадскія ўлады маюць намер стварыць...
Чытаць далей
Чтобы понять национальный характер поляков, нужно узнать, над чем они смеются. В этом помогут польские комедийные мультсериалы, аналогичные американскому «Южному...
Чытаць далей
В Европе проходит Чёрная пятница — традиционный день распродаж, когда магазины предлагают приятные скидки. Многие бренды проводят акции всю неделю,...
Чытаць далей
