Паліцэйскія затрымалі ў Сувалках мужчыну з кілаграмам амфетаміну і 50 таблеткамі экстазі, паведамляе прэс-служба Падляскай паліцыі.
15 лютага супрацоўнікі паліцыі ў Сувалках затрымалі 25-гадовага мужчыну са значнай колькасцю наркотыкаў. Ён сядзеў у машыне, а калі заўважыў паліцэйскі патруль, то выкінуў пакет з ружовымі таблеткамі і пачаў уцякаць.
Высветлілася, што ў кішэні курткі ўцякач хаваў яшчэ і пакеты з белым парашком, які аказаўся амфетамінам.
17 лютага пракурор абвінаваціў мужчыну ў валоданні значнай колькасцю наркатычных рэчываў, і суд прызначыў яму меру ўтрымання ў выглядзе заключэння пад варту на тры месяцы.
Мужчыне пагражае да 10 гадоў зняволення.
