Цягнікі з Беластока ў Вільню могуць пайсці ўжо ў гэтым годзе, паведамляе podlaskie.tv.
Спачатку плануецца аднавіць злучэнне Беласток — Коўна, што наблізіць запуск цягнікоў па напрамку Варшава — Вільня праз Беласток.
У кастрычніку 2021 года адбылася сустрэча міністраў інфраструктуры Літвы і Польшчы. На ёй функцыянеры пацвердзілі, што чыгуначнае злучэнне паміж сталіцамі краін адбудзецца ў 2022 годзе. Дакладнай даты пакуль няма.
Як гэта будзе выглядаць
Электравоз з саставам з Варшавы, які накіроўваецца ў Вільню, спыняецца ў Беластоку. Яго замяняюць на дызельны цеплавоз. Ад першай памежнай станцыі ў Літве цягнік вядзе да Коўна літоўскі цеплавоз, у той жа час польскі забяспечвае электрычнасць і ацяпленне ў вагонах.
Розная каляя
Існуе праблема з чыгуначнымі пуцямі. Чыгунка Літвы мае так званую «рускую» каляю, якая на некалькі сантыметраў шырэйшая за каляю еўрапейскую, якая выкарыстоўваецца ў Польшчы. Аднак у польскіх чыгуначнікаў ёсць лакаматывы і вагоны, якія могуць ездзіць па падобных пуцях — апошнім разам яны выкарыстоўваліся для эвакуацыі людзей з Франкфурта ў Коўна падчас пандэміі каронавіруснай інфекцыі.
