Сёння, 22 лютага, у цэнтры Беластока мае адбыцца акцыя салідарнасці з Украінай, якую ладзяць мясцовыя жыхары. Акцыя пачнецца а 18-й на Рынку Касцюшкі з боку фантана.
— Беласток у сваёй гісторыі неаднойчы дэманстраваў сваю салідарнасць з іншымі народамі, — пішуць арганізатары ў анонсе акцыі. — Калі пад пагрозай — бяспека нашага суседа, мусім выказаць нашу салідарнасць.
У акцыі збіраецца прыняць удзел і беларуская дыяспара ў Беластоку.
— На маю думку, беларусы павінны падтрымаць сёння акцыю, каб паказаць нашу салідарнасць з украінцамі, якія, на жаль, стаяць перад уварваннем расіян на сваю тэрыторыю, перад пагрозай вайны паміж Расіяй і Украінай. Другая рэч — мы таксама хочам выказацца супраць размяшчэння расійскіх войскаў на тэрыторыі Беларусі. На жаль, беларусы не могуць выйсці на вуліцы ў сваіх гарадах, каб выказацца супраць расійскай агрэсіі. У Беларусі — больш за тысяча палітвязняў, дыктатура робіць усё, каб застрашыць народ. Таму беларуская дыяспара, беларусы, якія жывуць за мяжой, сёння далучацца да акцыі, каб яшчэ раз паказаць нашу салідарнасць з народам Украіны, — патлумачыў MOST свой намер далучыцца да акцыі актывіст беларускай дыяспары Ян Абадоўскі.
Чытайце таксама
У суботу, 29 студзеня, ля консульства Беларусі ў Беластоку правялі антываенную акцыю. Нагодай для яе стала сцягванне расійскіх войскаў на...
Чытаць далейDetails
Кампанія «Беларуская салідарнасць» знайшла незвычайны спосаб дамагчыся павелічэння тэрміну дзеяння польскага праязнога дакумента замежніка, які цяпер паводле закона выдаецца ўсяго...
Чытаць далейDetails
Польские пограничники задержали на границе с Литвой 38-летнюю беларуску. Оказалось, ее BMW с июля числится в угоне. О ситуации рассказали...
Чытаць далейDetails
