23 сакавіка прэм’ер-міністр Польшчы Матэвуш Маравецкі і міністр аховы здароўя Адам Нядзельскі правялі прэс-канферэнцыю, на якой расказалі, як у Польшчы паступова будуць здымаць каронавірусныя абмежаванні.
Па-ранейшаму застаецца абавязак насіць маскі ў грамадскіх месцах: закрытых памяшканнях, у грамадскім транспарце.
Захаваецца скарочаная ізаляцыя людзей са станоўчым вынікам тэсту на COVID-19 і каранцін для людзей, якія жывуць разам з імі. Каранцін будзе доўжыцца 7 дзён альбо 5 дзён, калі на пяты дзень тэст паказаў адмоўны вынік.
Па прыбыцці ў Польшчу захаваецца каранцін для людзей, у якіх няма пасведчанняў аб прышчэпках, якія зацверджаныя ў Еўрасаюзе. Ён будзе доўжыцца сем дзён.
? Od marca łagodniejsze zasady bezpieczeństwa. Sprawdź, co się zmieni ⤵️https://t.co/Kg6uPaN8g6 pic.twitter.com/yZHbAxkjy0
— Kancelaria Premiera (@PremierRP) February 23, 2022
У Польшчы ад 1 сакавіка не будзе абмежаванняў па працы культурніцкіх устаноў, кафэ, клубаў і рэстаранаў. Нагадаем, што абмежаванні ўзмацнілі ў сярэдзіне снежня 2021 году ў сувязі з распаўсюдам штама амікрон. У гасцініцах, рэстаранах, кінатэатрах, цэрквах і спартыўных арэнах быў уведзены 30-працэнтны ліміт на напаўняльнасць. Таксама дзейнічалі ліміты на колькасць людзей падчас сходаў — да 100 чалавек. Клубы былі зачыненыя.
