Цэнтр новых ідэй прааналізаваў 40 беларускіх гарадоў па 16 паказчыках у пяці катэгорыях, каб выявіць лідараў і аўтсайдараў, піша «Брэсцкая газета».
Эксперты прааналізавалі дэмаграфічную ўстойлівасць, стан эканомікі, якасць жыцця, грамадска-палітычныя практыкі і турыстычную прывабнасць гарадоў. Разглядаліся 40 беларускіх гарадоў, у якіх ад 19 тысяч да 2 мільёнаў жыхароў.
Мінск і Гродна трапілі ў «Вышэйшую лігу». Лідарам стаў Мінск. Брэст і Гродна паказалі добры натуральны прырост і вялікую колькасць маладога насельніцтва. У гарадах невысокі ўзровень злачыннасці, вялікая колькасць дактароў і студэнтаў адносна колькасці насельніцтва.
У групу «Заходнія мястэчкі» ўвайшлі Ліда, Пінск, Кобрын, Слонім, Смаргонь і Івацэвічы. Эксперты Цэнтра новых ідэй назвалі гарады дадзенай групы добрымі ў дэмаграфічным плане, з някепскай эканомікай ды грамадска-палітычнымі паказальнікамі. Турыстычная прывабнасць дае гарадам дадатковы імпульс, а мясцовыя ўлады, заяўляюць даследчыкі, не хаваюць ад гараджан сваіх рашэнняў.
