Free Belarus Center — арганізацыя, якая дапамагае беларусам ва Украіне. У сувязі з пачаткам вайны Расіі супраць Украіны проста зараз Free Belarus Center працуе над тым, каб дапамагаць у лагістыцы для пераезду беларусаў на захад Украіны, але пакуль раяць выязджаць тымі спосабамі, якія даступныя. У Львове пастараюцца дапамагчы з часовым жыллём і выездам за мяжу.
Прадстаўнік арганізацыі Іван Марозка расказаў MOST, што сёння колькасць зваротаў у арганізацыю павялічылася ў разы:
— Мы заклікаем беларусаў, якія ў Кіеве і ўсходніх абласцях Украіны, дабірацца да Львова. Тут мы дапаможам з жыллём і іншымі гуманітарнымі справамі. Заклікаем звязвацца з намі. Мы працягваем дапамагаць, але пераарыентавалі дапамогу на самае важнае.
Звязацца з прадстаўнікамі арганізацыі можна праз тэлеграм: t.me/volunteerFBC, адсочваць навіны тут: t.me/freebelaruscenter.
Free Belarus Center — незалежная грамадская арганізацыя, створаная для гуманітарнай дапамогі людзям, якія мусілі пакінуць Беларусь.
