Украінскія сіроты, якіх эвакуіравалі з дзіцячых дамоў, змогуць знайсці прытулак у Беластоку. Аб гэтым паведамляе Kurier Poranny.
Апякунска-выхаваўчы цэнтр у Беластоку гатовы прыняць 50 дзяцей-сірот, якія былі вымушаныя з’ехаць з Украіны.
— Нас папрасілі дапамагчы Фонд Omeha Mensah и Фонд Happy Kids. У нас пакуль няма інфармацыі аб тым, калі і колькі дзяцей да нас трапіць. Аднак мы ведаем, што такая неабходнасць ёсць. Мы падрыхтавалі 20 месцаў у мэбляваных нумарах і 30 спальных месцаў, — расказала намеснік дырэктара Катажына Лідке-Чаркевіч.
У апякунска-выхаваўчага цэнтра ёсць вольны будынак у Беластоку, які могуць прыставаць для патрэб украінскіх дзяцей-сірот. У ім ужо правялі касметычны рамонт.
