10 сакавіка а 18 гадзіне ля помніка Юзафу Пілсудскаму на Рынку Касцюшкі ў Беластоку пройдзе акцыя салідарнасці з Украінай. Акцыю арганізоўвае мясцовая ўлада, яе ініцыяваў прэзідэнт горада Тадэвуш Трускаляскі.
Прэзідэнт Беластока Тадэвуш Трускаляскі адзначыў, што Беласток салідарны з Украінай, і падтрымлівае змаганне ўкраінцаў супраць расійскіх войск.
У акцыі будзе ўдзельнічаць футбаліст беластоцкай «Ягелоніі» ўкраінскага паходжання Тарас Раманчук. Падчас акцыі будзе арганізавана сувязь з амбасадарам Украіны ў Польшчы і горадам Львовам.
— Запрашаем на гэтае мерапрыемства ўсіх беластачан, незалежна ад іх светапогляду, каб разам праявіць нашу еднасць, — падкрэслівае намеснік прэзідэнта Беластока Рафал Рудніцкі.
