12 сакавіка Брэсцкі абласны суд вынес прысуд па справе Яўгена Трушко, якога абвінавачвалі па двух крымінальных артыкулах — за абразу прэзідэнта і распальванне сацыяльнай варожасці.
Трушко вінавацілі ў тым, што 12-13 жніўня 2020 года ён пакінуў некалькі каментарыяў у брэсцкім тэлеграм-канале. Гэтыя каментарыі расцанілі як заклікі да гвалту над міліцыянерамі. У віну мужчыне ставяць яшчэ адзін каментарый, у якім следчыя ўбачылі абразу Аляксандра Лукашэнкі.
Суд прызнаў Яўгена Трушко вінаватым і прысудзіў пакаранне ў выглядзе двух год калоніі агульнага рэжыму.
Мужчына знаходзіўся пад варта ад 11 кастрычніка 2021 года.
