Лідарка дэмакратычных сіл Беларусі Святлана Ціханоўская 25 сакавіка прыедзе ў Беласток.
Святлана Ціханоўская мае намер прыняць удзел у акцыі з нагоды Дня Волі, якая пачнецца ў Беластоку на Рынку Касцюшкі ля помніка Юзафу Пілсудскаму а 17-й гадзіне. Акцыю ладзіць беларуская дыяспара Беластока.
— У найважнейшы для вольных беларусаў Дзень беларуская грамада Падляшша хоча выказаць сваю падтрымку і салідарнасць з Украінай, якая змагаецца з расійскай агрэсіяй.
Сёлетняе святкаванне Дня Волі — 104-й гадавіны абвяшчэння незалежнасці Беларускай Народнай Рэспублікі — пройдзе пад лозунгам «За вашу і нашу свабоду», — гаворыцца ў анонсе мерапрыемства.
Чакаецца, што ў акцыі прыме ўдзел таксама кіраўнік Народнага антыкрызіснага ўпраўлення Павел Латушка.