Беласток плануе засеяць луг кветкамі ў колерах украінскага сцяга. Мясцовыя ўлады разглядаюць гэты жэст як падтрымку барацьбы ўкраінскага народа супраць расійскіх войск. Аб гэтым паведамляецца на афіцыйным партале горада.
У Беластоку працягваецца праграма «Białostockie Łąki Kwietne», якую пачалі мясцовыя ўлады ў 2019 годзе. Новая праграма будзе дзейнічаць да 2024 года. Згодна з пагадненнем, плануецца засеяць 10 гектараў лугоў на Беласточчыне.
Беласток падтрымлівае барацьбу ўкраінскага народа супраць Расіі, таму адзін з лугоў будзе засеяны кветкамі ў колерах украінскага сцяга. Разглядаюцца наступныя лакацыі ў Беластоку: ul. ks. abp. Romualda Jałbrzykowskiego, ul. Jana Pawła II, ul. gen. Władysława Sikorskiego.
