У пачатку красавіка ў Беластоку адчынілася кропка з украінскай ежай, паведамляе Radio Białystok.
Украінскія бежанкі Святлана і Вольга адкрылі ў Беластоку кропку з нацыянальнай украінскай ежай. Прапануюць пакаштаваць розныя стравы: супы, кіеўскія пельмені і шмат іншага.
Ежу можна браць гарачай альбо халоднай і ў гэтым выпадку разаграваць дома.
«Ukraiński Gar» працуе на ul. Sybiraków побач з касцёлам Святога Духа ў пятніцу, суботу і нядзелю.
Украінскай кропцы таксама дапамагаюць і беларусы. Вольга Івашына расказала, што дапамагае ўкраінкам, якія «не хочуць сядзець на шыі ў палякаў», на валанцёрскіх умовах:
— Дапамагаю, бо не магу не дапамагаць. Кожны мае рабіць зараз усё, каб разам перамагчы зло. Пакуль украінцы вымушаныя пакінуць свае дамы, як і я, зрэшты, то мусім неяк ім дапамагаць. Можа быць прыйдзе час, калі дапамога спатрэбіцца нам, і украінцы, мяркую, з радасьцю дапамогуць нам, — пракаментавала Вольга.
