У Падляскім ваяводстве паліцэйскія арыштавалі чарговых «кур’ераў», якія вывозяць нелегальных мігрантаў ад польска-беларускай мяжы.
Польскія паліцэйскія арыштавалі трох чалавек па падазрэнні ў дапамозе ў арганізацыі незаконнага перасячэння мяжы. У першым выпадку «кур’ерам» апынуўся 27-гадовы грамадзянін Грузіі. Паліцэйскія знайшлі ў яго аўтамабілі пакецік з белым рэчывам — папярэдне, гэта быў метамфетамін.
Другі «кур’ер» таксама быў грамадзянінам Грузіі, а трэці — украінец.
Мужчын затрымалі, іх аўтамабілі адправіліся на штрафныя стаянкі.
Мужчынам пагражае да васьмі год турмы.
Дарэчы, за апошнія суткі польскія памежнікі затрымалі 10 нелегальных мігрантаў, што патрапілі ў Польшчу з Беларусі. Гэта грамадзяне Эфіопіі, Афганістана і Сірыі.
