Польскія памежнікі і інспектары Упраўлення нацыянальных даходаў Польшчы знайшлі ў прычэпе грузавіка 700 тысяч пачак беларускіх цыгарэт, якія нелегальна ўвезлі на тэрыторыю Еўрасаюза.
Нелегальны тавар трапіў у Польшчу з Літвы ў прычэпе грузавіка пад паддонамі з дровамі. Усяго памежнікі і інспектары знайшлі 700 тысяч пачак беларускіх цыгарэт на суму 10 мільёнаў PLZ. У выпадку, калі б цыгарэты рэалізавалі, то польская казна не далічылася б 16 мільёнаў PLZ.
Кантрабанду перавозіў 39-гадовы грамадзянін Польшчы. Беластоцкая пракуратура ўжо прад’явіла мужчыне абвінавачанні. Суд вынес рашэнне аб арышце кіроўцы на тры месяцы. Яму пагражае да 10 гадоў турмы.