Шмат людзей знаходзіліся ў бомбасховішчах, калі расійская авіяцыя і артылерыя пачала наносіць бомбавыя ўдары па Украіне. А што з сабой браць у сховішча? Якую ежу і лекі? На колькі дзён разлічыць запасы? Усё больш людзей цікавіцца, што спатрэбіцца ў такой сітуацыі.
MOST падрыхтаваў гайд на гэтую тэму. Таксама мы параўналі, колькі трывожны чамаданчык будзе каштаваць у Беларусі і Польшчы.
Сколько бомбоубежищ в Белостоке и Гродно? Где они находятся? И сколько человек может в них спрятаться от бомбёжек? Эти вопросы...
Чытаць далейРэчы першай неабходнасці
Адзенне. У сховішча трэба браць цёплыя рэчы, некалькі камплектаў бялізны і шкарпэткі, зручны абутак.
Лекі. Спатрэбіцца і аптэчка — бінты, пластыр, ёд, перакіс, вата, гарачкапаніжальныя прэпараты, лекі ад дыярэі, супрацьвірусныя, заспакойлівыя сродкі, антыбіётыкі.
Сродкі асабістай гігіены. Рэкамендуюць браць вільготныя і сухія сурвэткі, зубную пасту і шчотку, антысептык, вадкае мыла, гігіенічныя пракладкі.
Дадатковыя і неабходныя рэчы. Гаворка ідзе пра ліхтарык, батарэйкі, паўэрбэнк і зарадку для тэлефонаў, спальны мяшок, коўдру, металічны посуд, запалкі і запальнічкі.
Што тычыцца дакументаў, то іх раяць скласці ў непрамакальную ўпакоўку. А ежы і вады трэба ўзяць на некалькі дзён наперад.
Якую ежу класці ў заплечнік
MOST падрыхтаваў спіс самых важных прадуктаў, якія трэба ўзяць у бомбасховішча. Мы таксама параўналі, колькі такі стартэрпак будзе каштаваць у Беларусі і Польшчы.
Параўналі цэны ў дастаўцы беларускага Еўраопта і польскіх Biedronki і Auchan. Адзначым, што цана ў табліцы пазначаная за адну штуку прадукту.
| ПРАДУКТЫ | ЦАНА Ў БЕЛАРУСІ | ЦАНА Ў ПОЛЬШЧЫ |
| Кансервы | Сярод самых танных кансерваў знайшлі кільку ў таматным соўсе (220 г) — 1,49 рублёў. Але трэба разумець, што кансервы могуць быць мясныя (ялавічына, свініна) і з розных відаў рыб. І тут мы пераходзім да наступнай катэгорыі. | Pirat Filety śledziowe w oleju (170 г) — 4,99 PLZ. Цана ў гэтай катэгорыі амаль ва ўсіх такая ж. |
| Тушонка | Тушонка са свініны «Свинина любимая вкусная» (325 г) будзе каштаваць 2,95 рублёў. | Krakus Konserwa Turystyczna (300 г) будзе каштаваць 6,99 PLZ. |
| Галетнае печыва | Крэкеры «Белогорье» Cristo Twisto (250 г) можна набыць за 1,99 рублёў. | TOP Krakersy solone (175 г) можна купіць за 1,90 PLZ. |
| Сухары | Сухары «Ласункі Пачастункі» (250 г) — самы танны варыянт на рынку. Будзе каштаваць усяго 1,39 рублёў. | Sonko Sucharki delikatne i chrupiace (246 г) — 5,79 PLZ. Гэта звычайныя сухары з тостаў. |
| Сухафрукты | Разынкі «Белый пеликан» (100 г) — 1,65 рублёў, фінік «Белый пеликан» (150 г) — 1,45 рублёў. | Bakalland Chrupiące musli z miodem i bakaliami (300 г) — набор розных сухафруткаў за 6,09 PLZ. |
| Арэхі | Арахіс «Хмельнов» (70 г) — 89 капеек. | Makar Orzechy nerkowca (100 г) — 6,12 PLZ. |
Згушчонка |
Згушчонка «Глыбокае» (320 г) — 2,99 рублёў. Згушчонка «Рогачёвъ» (270 г) — 2,29 рублёў. | SM Gostyń Mleko zagęszczone słodzone 8% (530 г) — 7,60 PLZ. |
| Супы хуткага прыгатавання | Сярод шматлікіх супоў хуткага прыгатавання самым танным аказаўся суп Maggi курыны з сухарыкамі — 99 капеек. | Vifon — Zupa błyskawiczna z kluskami o smaku kaczki (łagodna) — напэўна, самы танны варыянт на рынку. Каштуе 1,22 PLZ. |
| Кашы хуткага прыгатавання | Каша хуткага прыгатавання «Быстров» будзе каштаваць 99 капеек. За такую суму можна набыць кашу са смакам лясным ягад, клубніцамі з малаком, чарніцамі. | Owsianka z jabłkiem i cynamonem — 1,85 PLZ. |
| Вакуумаванае вяленае мяса | Для гэтай катэгорыі ідэальна падыходзяць розныя каўбаскі: «Кабандосы острые» (35 г) каштуюць 1,49 рублёў. «Кабандосы» весам 85 г будуць каштаваць 3,19 рублёў. | Kabanosy вельмі распаўсюджаныя ў Польшчы. Нашмат больш, чым у Беларусі. Таму тут вялікі выбар, а самыя танныя за 100 г — Olewnik — Kabanosy z drobiem за 5,59 PLZ. |
| Несалодкая негазаваная вада | Самы танны варыянт 1 л негазаванай вады дае кампанія Frost — 1,15 рублёў. | Polaris Plus Woda mineralna niegazowana (паўтара літра) — 0,99 PLZ. |
| ВЫНІК | У выніку, калі купляць гэтыя прадукты па адным пачку, то выходзіць 24,9 рублёў. Па курсе на 15 красавіка — $8,7. | Вынік — 49,13 PLZ. У доларавым эквіваленце — $12,11. |
Што нельга браць і чаго нельга рабіць у бомбасховішчы
У бомбасховішча нельга браць лёгкаўзгаральныя прадметы, занадта грувасткія рэчы і рэчывы з моцным пахам.
У сховішчы забаронена паліць і шумна сябе паводзіць, а таксама без дазволу запальваць свечкі. Раяць менш рухацца, каб захаваць энергію і не расходаваць кісларод.
